Apoio ao emprendemento: comeza con bo pé
Montar un negocio é unha das decisións máis importantes da túa vida profesional. Facelo ben desde o principio —elixindo a forma xurídica axeitada, estruturando correctamente a fiscalidade e evitando erros custosos— marca a diferenza entre un arranque sólido e un cheo de complicacións.
Acompañámoste en todo o proceso, desde a idea ata a posta en marcha, para que poidas centrarte en desenvolver o teu negocio coa tranquilidade de ter todo en orde.
¿A quen vai dirixido?
Persoas que queren darse de alta como autónomos.
Emprendedores que desexan constituír unha sociedade (SL, SA ou outras formas xurídicas).
Proxectos en fase inicial que precisan orientación, estrutura e planificación.
¿En que che axudamos?
-
Estudamos a túa idea de negocio, a túa situación persoal e os teus obxectivos para definir a forma xurídica máis axeitada (autónomo ou sociedade) e o encadramento fiscal e laboral máis favorable.
-
Encargámonos de todos os trámites: alta en Facenda e Seguridade Social, elección de epígrafes de actividade (IAE), constitución de sociedade se procede, e solicitude de licenzas ou rexistros necesarios.
-
Definimos a estrutura máis eficiente para a túa actividade, anticipando obrigas e evitando os erros máis frecuentes nas primeiras etapas.
-
Axudámosche a implantar un sistema de facturación, control de ingresos e gastos, e cumprimento contable desde o primeiro momento.
-
Asesorámoste sobre as axudas, subvencións e incentivos dispoñibles, incluídas bonificacións como a tarifa plana para novos autónomos.
-
Non só che axudamos a empezar. Seguimos contigo no desenvolvemento da túa actividade, resolvendo dúbidas, adaptando a estratexia e asegurando o cumprimento de todas as túas obrigas.